يسرا عن حلم الأمومة: ربنا مبيتعاندش وعِشت طفولة تعيسة بسبب والدي

علقت الفنانة يسرا على موقفها من الأمومة، موضحة أنها حاولت عدة مرات لتصبح أم ولكن الله لم يشئ.

قالت يسرا عن حلم الأمومة في تصريحات تلفزيونية لها: «حاولت كتير جدًا أكون أم، بس معرفتش أعمل إيه ربنا مأردش ومبيتعاندش، عشان كدا أنا راضية جدًا ومش ندمانة الحمد لله».

طفولة يسرا

وكشفت أسرار عن طفولتها، قائلة: «طفولتي مع والدي مكنتش سعيدة وأخدني من أمي وأنا معرفوش وكان غريب بالنسبة لي، ومكنش بيني وبينه تفاهم، ومنعني من المدرسة، فمروحتش المدرسة واضطريت أدرس في البيت».

وتابعت الفنانة يسرا: «ولما نجحت قالي نجحتي إزاي، كان دايمًا عندي تحدي لنفسي أنك هتكوني وهتبقي وهتنجحي.. قعدت سنة ونص مش بشوف حد حتى أمى، وده كان شئء صعب جدًا عليّ هي كانت كل حياتي، ولو أمي مكنتش مربياني بقوة كان زماني معرفتش أكمل الحياة».

يسرا مسلسل أحلام سعيدة

أسرار يسرا

واستكملت: «اتعلمت من أمي كل حاجة وجوز أمي اكتشفت حبي له بعد ما مشيت من عندها وروحت لأبويا وكانت حياتي تعيسة، وعملت مقارنة بين الأب الحقيقي ومعاملته وبين زوج الأم اللي كان أب حقيقي وأكتر من أب ولما كبرت وبقى عندي 25 سنة قابلت زوج أمي صدفة في مدخل بالعجمي جريت عليه وطلبت منه السماح لأني عاملته وحش جدًا وأنا طفلة ومكنتش عارفة قيمته».

وأضافت الفنانة يسرا حديثها عن علاقتها بأسرتها: «وكنت أنا سبب طلاقهم، كنت اتربيت وسط أمي وخالاتي وخيلاني وقعدت معاهم لحد سن الـ 14 والحقيقة عملوا مجهود كبير علشان يدوني حياة حلوة، حياة أعرف أكمل فيها، أنا فاكرة أن أمي كانت بتنزل تبيع أي حاجة عندها عشان تدخلني أغلى مدرسة علشان أتعلم تعليم كويس».

يسرا مسلسل 1000 حمدلله ع السلامة

يوسف شاهين ويسرا