حورية فرغلي تثير الجدل: الوسط الفني عالم مخيف وكان معمولي سحر سفلي
خرجت الفنانة حورية فرغلي عن صمتها وكشفت تفاصيل وأسرار من حياتها مثيرة للجدل، منها حقيقة إيمانها بوجود السحر والحسد.
قالت حورية فرغلي في تصريحات تلفزيونية: «اتعملي سحر ولسه معمول ولغاية دلوقتي ومتقاليش اسم اللي عمله بس اتقالي الأوصاف واللي عمله حد أعرفه زارني مرتين أو 3 وهو حد في شغلي في ورقة كده مكتوبة حورية بنت نرجس تصاب بالمرض وتصبح طريحة الفراش ويقف زواجها ورزقها».
تصريحات حورية فرغلي
وأضافت: «هي واحدة في الوسط وعرفت هي مين ومش بتعامل معاها دلوقتي ومعرفش حاجة عنها ولو شوفتها هسلم عليها عادي، وأنا حاولت أفكه بس قالولي ده سفلي وعشان تفكيه لازم تستعيني بالجن عشان نفكهولك وده كده حرام فرفضت.. بالنسبالي لو ربنا مكنش عايز العمل ده يتعملي مكنش هيحصل ومفيش حاجة بتحصل إلا أما هو يوافق وربنا هو اللي عايز ده وهقعد ليه ومش ليه وأنا راضية وأكيد في حكمة هعرفها واتعلمها».
وفيما يخص حادث سقوط الحصان عليها مما تسبب في كسر أنفها، علقت قائلة: «الحصان وقع فوق مني، وعملت 28 عملية وقعدت كذا سنة لا بشم ولا بستطعم ولا طعم الأكل والبرفانات كنت بشتريها مش عارفة ريحتها إيه فضلت كده 4 سنين تقريبًا، ودلوقتي بقيت استطعم وبشم وأخيرًا بنام وأنا مش باخد نفسي من مناخيري مش من فمي ومكنتش بعرف أنام».
حورية فرغلي
أسرار حورية فرغلي
وقالت حورية فرغلي عن الوسط الفني: «عالم مخيف وأنا عن نفسي بحس إني غير مرغوب فيّ لما حصلت الحادثة، ومش ملوش أمان وأنا شوفت أحسن حاجة وأوحش حاجة مفيش وسط وأنا مقدرش أقول أن الوسط وحش وأنا بسمع لكن مشوفتش».
وعن إذا كانت ظلمت أحد، قالت: «اه ممكن ظلمت، ولما جيت من دبي كانت حالتي النفسية مش كويسة فاتجوزت 3 شهور وأتطلقت، وماما كانت عايزاني أخرج للحياة وأخرج من صدمة وفاة خطيبي، زوجي كان مصري وكان ابن حد معروف وهو حبني بس ماخدناش فرصتنا إننا نعرف بعض والموضوع جه بسرعة».
واختتمت الفنانة حورية فرغلي: «والانفصال كان مني أنا فأنا ظلمته ودلوقتي اتجوز وخلف وولاده كبار، وهو ابن الأستاذ أحمد فراج هو حاتم ابنه وعلاقتنا كويسة جدًا وأنا حاسة إني ظلمته».
حورية فرغلي
