خدت بالي إنه راجل كبير وبيقعد لوحده.. اعترافات المتهم بإنهاء حياة جواهرجي بولاق أبو العلا|تحقيقات
الجمعة 17/مايو/2024 – 05:22 ص
كشفت التحقيقات في واقعة مقتل حسني الخناجري، جواهرجي بولاق أبو العلا بمحافظة القاهرة، أن أحد المتهمين الخمسة الذين تم ضبطهم، شخص عاطل، يقيم في منطقة بولاق الدكرور بمحافظة الجيزة، وأنه من نفذ جريمة القتل، وسرق مشغولات ذهبية تمثلت في 5 غوايش، و6 سبائك ذهبية، و7 جنيهات ذهب، و4 خواتم، و4 سلسة، و3 انسيالات، ومبلغ مالي.
اعترافات المتهم بإنهاء حياة جوهرجي بولاق أبو العلا لسرقته
ويواصل القاهرة 24، نشر اعترافات المتهمين بارتكاب واقعة إنهاء حياة جوهرجي بولاق أبو العلا، إذ تحدث المتهم الرئيسي، عن الإجراءات التي اتبعها لتنفيذ مبتغاته، قائلًا: أول حاجة يوم السبت نزلت شارع درب نصر ولفيت على المحلات وقعدت أدور على محل دهب لقيت حوالي 3 محلات في الشارع، لكن لفت نظري أن المحل بتاع الراجل اللي ضربته بالسكينة، إن هو بيقعد فيه لوحده فاخترت المحل ده وقعدت أراقبه، ويوم السبت اللي فات الموافق 2024/2/24 حوالي الساعة 1:00 مساءً أو بعد كده، وبعدين أنا فضلت ماشي في الشارع أروح يمين وشمال كأني بتمشي وببص على المحلات بس فضلت مركز مع المحل ده عشان كان فيه واحد لواحده وراجل كبير.
واستكمل: مفيش ربع ساعة تقريبًا أنا خدت الشارع رايح جاي مشي، وبعدين أنا خدت بالي إن هو راجل كبير في السن، وبيقعد لوحده فقولت ده أكيد هيبقي صيدة سهلة ومش هياخد في إيدي حاجة وده كمان عشان أنا مصاب فـ مش عايز حد يعافر معايا، فاخترت المحل ده، بس أنا مش فاكر اسم الحانوت إيه لأن أنا حددته بالشبه، ويوم السبت أنا شوفت كاميرات برة بس أنا مادخلتش المحل يوم السبت، وبعدين مش شرط بذات لأن هو محل على قده مش حاجة فخمة يعني، وأنا بعد ما خلصت مراقبة روحت البيت بتاعي اللي في 5 أبو العلا، وأنا خلاص قررت أن هو ده هيبقي المحل اللي هسرقه بس قولت أنزل يوم الحد تاني أبص بصة ولو الدنيا سالكة أنفذ، وتاني يوم الأحد أنا توجهت إليه حوالي الساعة ١:٠٠ مساءً أو بعد كدة.
وأردف المتهم: والأمر اللي خلاني توجهت إليه تاني عشان أنا قولت هنفذ اليوم ده وأبص بصة برضو أشوف إيه الكلام، وأنا روحت ووصلت عند المحل بس اتفاجئت إنه قافل وساعتها جه في بالي إنه أكيد قافل عشان يوم الأحد، وبسؤال المتهم عن المدة الزمنية التي استغرقها في ذلك الوقت، قال: أنا ما كملتش خمس دقايق ومشيت على طول لما لقيت اصلًا نص الشارع قافل، ووقتها سلاح الجريمة مكنش معايا، لأن انا الخطة اللي في دماغي أن انا أنزل الأول أتكلم معاه واتفق واقوله انا هجيلك بعدين وبعد كدة اجي بالسكينة والشنطة أخلص على طول، واللي خلاني أعمل كده إن ظروفي خلاص بقت صعبة والدنيا بقت سودة في وشي.
