عبير صبري تثير الجدل: الحجاب صعب ونفسي أمثل في الجنة مع آل باتشينو
كشفت الفنانة عبير صبري عن سر خلعها الحجاب، بعد خمس سنوات من ارتدائه، قائلة: «الحجاب صعب والستات هيفهموني لأنه جهاد بالنسبة للمرأة».
وأضافت عبير صبري عبر تصريحات تلفزيونية: «الست المحجبة اللي لابسة الشال أو العباية أو الحجاب هي ست بتجاهد لأن الفتن كبيرة، وأنا قعدت 5 سنين كنت مبسوطة في الأول لكن ضعفت عن تحمل المسئولية دي فتنة، وحسيت أن التزامي بطريقة لبس الحجاب معجبتنيش بدأت أبقى دلوعة شوية».
سبب خلع عبير صبري الحجاب
واستكملت: «الحجاب طبعًا فرض، ولا شك واحد في المية، الحجاب اتفرض علينا من القرآن، مالهوش علاقة بالسبعينيات والثمانينيات، مش معنى إن فيه فترات زمنية مكانش منتشر فيها الحجاب، إنه مش فرض».
وتابعت عبير صبري حديثها عن خلعها للحجاب: «كان في ضغوط شخصية ومهنية عليّ، لأن في الوقت دا كان موضوع الحجاب والشغل به مش سهل، قدمت برامج اجتماعية وقتها لكن كان في أزمات مريت بيها خلتني مش قوية إني احتفظ بالحجاب وزعلانة واتمنى أرجعله تاني، وتحية لكل ست ربنا يثبتها لابسه الحجاب ومكملة بيه رغم الصعوبات والفتن».
عبير صبري
تفاصيل زواج عبير صبري
كما كشفت تفاصيل زواجها من المحامي أيمن البياع، لافتة إلى أنهما تزوجا في السفارة المصرية في دبي دون مهر أو مؤخر.
وقالت عبير صبري أيضًا: «اتجوزت رسمي في السفارة الرسمية في دبي، ومفيش مهر ولا مؤخر، كتبنا في عقد الزواج مصحف ومفيش مؤخر، لأن الناس لما بتسيب بعض مبتكونش الفلوس أهم حاجة، لو أنا زعلانة مش هيبقى فارق معايا الفلوس».
أمنية عبير صبري
وأعربت الفنانة عبير صبري عن أمنيتها بالتمثيل مع الفنان العالمي آل باتشينو: «طبعًا أحب أمثل في الجنة واختار أمثل مع آل باتشينو، وأكيد في الجنة هبقى مشغولة بالحاجات الكتير الحلوة فكفاية آل باتشينو لأني بحبه جدًا».
واختتمت حديثها بماذا ستفعل أول يوم بالجنة، قائلة: «أحب أشوف سيدنا محمد عليه الصلاة والسلام، وأحب أشوف السيدة عائشة بحبها جدًا وأشوف سيدنا الحسن والحسين».
عبير صبري
