كريم عبد العزيز في احتفالات أكتوبر: الجيش خلصنا من كابوس

اختتم الفنان كريم عبد العزيز الندوة التثقيفية للقوات المسلحة بمناسبة مرور 50 عامًا على نصر أكتوبر المجيد، بحضور الرئيس عبدالفتاح السيسي.

وقال الفنان كريم عبد العزيز على المسرح: «مرت علينا سنوات ونحن نعيش في سلام نبني في بلدنا ونربي في أولادنا حتى يناير 2011، حينما نزل الشعب المصري للميادين بمطالب مشروعة وبسيطة.. الجيش وقف معاها وحماها بس للأسف الثورة اتخطفت».

كريم عبد العزيز في الندوة التثقيفية للقوات المسلحة

وتابع: «الشعب اللي كان نايم يحلم ببكرة صحي على كابوس، والجيش تدخل وخلصنا ووقف وقفة بطل، وقال اللي هيقرب من مصر أنا هشيله من على وش الأرض».

واستكمل الفنان كريم عبد العزيز: «بلدنا كبيرة وعظيمة ومهما عدى عليها بتفضل واقفة وثابتة وصلبة، كل الشغل اللي حصل على أرضها آخر كام سنة بيقول إننا نقدر.. لأن الشعب اللي بينجز شغل خمسين سنة في أقل من خمس سنين شعب مينهزمش ومينكسرش ولو وقع بيقف تاني».

منى زكي وكريم عبد العزيز في احتفالية نصر أكتوبر

كريم عبد العزيز في احتفالية نصر أكتوبر

واختتم كلمته مع الفنانة منى زكي: «مش إحنا اللي بنقول كده ده التاريخ اللي بيقول كده.. هنكمل اللي بدأناه ونبني الجمهورية الجديدة.. والتحدي مهما كان صعب هنقدر عليه.. وزي ما عدينا اللي فات هنعدي اللي جاي علشان مصر اللي بنحلم بيها، وطول ما احنا إيد واحدة هنقدر ونوصل وكلنا فداء مصر وتحيا مصر يا ريس».

كريم عبد العزيز