منة فضالي تكشف موقفها من الارتباط: يوم ما اتجوز هتجوز أجنبي

كشفت الفنانة منة فضالي موقفها من الزواج، وردت على السؤال الذي تتلقاه كثيرًا «هنشوفك عروسة إمتى؟».

قالت منة فضالي عبر تصريحات تلفزيونية: «لا أنا عروسة لا! أنا كده حلوة قوي، أنا كده تمام، أنا مرتاحة جدًا ومعنديش أي فتي أحلام خالص دلوقتي».

موقف منة فضالي من الزواج

وتابعت: «مبفكرش في الارتباط دلوقتي، يوم ما اتجوز هتجوز واحد من بره، هتجوز واحد أجنبي مش واحد مصري، بس مبفكرش في الارتباط دلوقتي».

وفيما يخص كواليس آخر أعمالها مع الفنان محمد إمام بمسلسل كوبرا، قالت: «محمد من الناس الجميلة، تشتغلي معاه وإنتي مرتاحة، مريح جدًا في الشغل، كواليسنا كانت حلوة، المخرج كان زي العسل الأستاذ أحمد شفيق، وقدمت شخصية شبهي، كانت فكاهية قوي وبتحب تضحك على طول، وأنا كده للأسف، لأن في ناس بتقول دي عبيطة وهبلة».

كواليس آخر أعمال منة فضالي

وتحدثت عن موقف لا ينسى مع محمد إمام في كواليس العمل، قائلة: «مشهد كان فيه فار حقيقي ومحدش قال لنا، ولما اكتشفت قعدت أشده بره الكادر، وجريت وكنت هوقع الكاميرات».

وعن أحدث أعمالها ومشاركتها في موسم دراما رمضان 2025 المقبل بمسلسل سيد الناس مع عمرو سعد، علقت: «مسلسل قوي وفريق عمل عظيم، والأستاذ محمد سامي أكيد بيقدم أعمال متميزة لكن مش هقدر أتكلم عن أي تفاصيل».

منة فضالي