ابنة بشير الديك تكشف تطورات صادمة في حالة والدها.. «إهمال في الرعاية»
كشفت ابنة السيناريست بشير الديك تطورات حالة والدها الصحية، بعدما دخل العناية المركزة من جديد.
كتبت دينا ابنة بشير الديك في منشور عبر حسابها الشخصي بموقع فيس بوك: «للأسف بابا دخل تاني الرعاية في مستشفى.. والمرة دي الموضوع بقى مختلف خالص.. للأسف حالته بعدما كانت بتتحسن شوية بقت ترجع تسوء تاني».
تطورات حالة السيناريست بشير الديك
وتابعت: «المشكلة في الإهمال وعدم الاهتمام بالمرضى.. رُحنا إمبارح وقت الزيارة لقينا بابا زاد عدم وعيه وذراعه وارم جدًا وبيؤلمه ومحدش كان واخد باله والمفروض إنه في الرعاية.. المشكلة التانية أنه بقى لا قادر يمضغ الأكل ولا يبلعه».
واستكملت ابنة بشير الديك: «ده غير أنه كان جعان على غير العادة لأنه بالرغم من عدم قدرته على المضغ ولا البلع لكنه أول ما بدأ يأكل بدأ وعيه يزيد.. إزاي دي رعاية.. ومن كتر قلق ماما وعدم ثقتها في الخدمة المقدمة (اللي هي مش رخيصة بالمناسبة) بقت بتشوف الأدوية اللي بياخدها وبتعرف تأثيرها والآثار الجانبية بتاعتها وبدأت تناقش الدكاترة في الأدوية دي».
بشير الديك
بشير الديك يعاني من إهمال بالمستشفى
وأضافت: «راح دكتور الرعاية المحترم المتواجد ساعتها قال لها: لو مش قادرين على مصاريف المستشفى روحوا مستشفى تانية.. هل دا رد محترم لدكتور رعاية في مستشفى معروفة بتميزها في الرعاية؟.. الصراحة مش دا أول دكتور رعاية هناك يكون بالجليطة دي.. وللأمانة الوحيدين المهذبين هناك دكتور صافي مديرة الرعاية ودكتور أحمد سامي دكتور الرعاية».
واختتمت دينا ابنة السيناريست بشير الديك: «وللأسف مش موجودين طول الوقت.. إن شاء الله نخرج منها على خير ونروح مستشفى تانية في أسرع وقت.. برجاء الدعاء لبابا أنه يقوم بالسلامة ويخرج من النفق المظلم اللي هو فيه دا.. آمين».
بشير الديك
