خبيرة طاقة تُحذر: إوعي تقول هبيع العربية وانت راكب فيها

كشفت سونيا الحبال، خبيرة الطاقة، أن هناك خطوات هامة يجب القيام بها قبل بيع أو شراء أي سيارة مستعملة من آخر.

وقالت سونيا خلال لقائها مع الإعلامية دينا رامز مقدمة برنامج «أنا وهو وهي» المذاع عبر قناة صدى البلد، إن السيارة تعتبر بمثابة المنزل الثاني لصحابها، ويجب على مالكها فَك التعلق معها قبل بيعها.

وأردفت: «لما تيجي تبيع عربيتك؛ فُك التعلق بينها، واتكلم معاها، وقولها أنا قضيت معاكي أحسن أيام حياتي وانتي هتروحي للأحسن مني».

وتابعت: «إوعى تقول هبيع العربية وانت راكب فيها، متسمعهاش كده ومتحزنهاش، لإنها بتحزن وتزعل أوي إنها ممكن تسيبك بعد الفترة التي قضتها معك».

وأكملت سونيا الحبال: لو غنيت للعربية أغاني سعيدة وفرح ده هيساعد ويسهل بشكل كبير في بيعها، وابقى غطيها وانت مسافر واحترمها عشان تحترمك وتحافظ عليك.

واختتمت الحبال: «العربية بتتعلق بصاحبها، ولما تشتري عربية مستعملة لازم تقولها انك بتحبها وهتحافظ عليها وحاول تدلعها».