محمود البزاوي يروي حكاية ضربه في رأس السنة: علقة بسبب بروس لي
روى الفنان محمود البزاوي حكاية ضربه في القهوة، في فترة شبابه أثناء الاحتفال برأس السنة.
قال محمود البزاوي في فيديو نشره عبر حسابه الرسمي بموقع انستجرام: «أخدت علقة جامدة أوي كنت بتفرج على فيلم لبروس لي، وطول الفيلم كاراتيه وصويت وحركات، بعد كده خرجت من السينما مهيبر جدًا».
حكاية ضرب محمود البزاوي في رأس السنة
وتابع: «مشيت لقيت قهوة فيها ناس كتير أوي ومتجمعين كلهم قمت داخل عليهم، عملت حركة بصوت من اللي كانوا في الفيلم، قام جالي واحد وقالي اهدى يابني براحة كده».
واستكمل محمود البزاوي: «ببص عليه لقيته طويل وعريض وشكله ضخم، قمت ضربه بالبوكس في عينه وجاب دم».
محمود البزاوي
تصريحات محمود البزاوي
واختتم في حديثه مع ابنه: «ببص لقيت نفسي ممسوك من رجلي وبيلفني في الهوا، زي الكنافة بالظبط بس كانت حتة علقة».
يشار إلى أن آخر أعمال محمود البزاوي فيلم السرب مع أحمد السقا ومحمود عبدالمغني، ومسلسل بابا جه مع أكرم حسني في رمضان 2024 الماضي.
View this post on Instagram
