مبسوط بحضن الناس.. ونماذج البرنامج لازم نفتخر بيها

السبت 01/مارس/2025 – 12:37 ص

تحدث النجم محمد رمضان عن تجربته الجديدة في تقديم برنامج تليفزيوني، مؤكدًا أن هذا الموسم مختلف عن أي موسم آخر في مسيرته الفنية.

وقال محمد رمضان في برنامج معكم مع منى الشاذلي، المذاع عبر شاشة قناة ON: كل سنة بعمل مسلسل بطولتي، ولكن السنة دي أنا بعمل برنامج بطولة الناس اللي بتظهر معايا في البرنامج.. واللي بتشوفوه ده هو محمد رمضان الحقيقي.

وأضاف رمضان، أن الفضل الكبير في نجاح أي نجم يعود إلى الجمهور، مؤكدًا: إحنا من نسيج الناس دي وأي نجم هو من صناعة الناس دي وفضلهم علينا كبير، ونفسي يكون عندنا طول العمر بنقدم حاجة زي دي للناس.

كما تحدث عن اشتياقه للشعب ولقاء الجمهور، إذ قال: أنا كنت مفتقد حضن الناس.. وبشكر فريق مدفع رمضان أنهم خلوني أحضن الناس وأرقص معاهم وأتكلم معاهم.

محمد رمضان: فخور بتعاوني مع المنتج محمد السعدي

وتطرق رمضان أيضًا إلى التعاون مع المنتج محمد السعدي، الذي يعتبره شخصًا فاعلًا في حياته المهنية، إذ قال: أنا فخور بشغلي مع الأستاذ محمد السعدي.. وده أكتر شخص حافظني في الدنيا وأكتر واحد يقدر يقنعني بأي حاجة.. وعملنا مع بعض  جعفر العمدة  و المشوار  و مدفع رمضان  ولسه كتير أوي بينا.

وفي لحظة عفوية، روى رمضان حادثة مؤثرة خلال أحد الأيام، إذ قال: وأنا معدي لاقيت واحد طالع من كابوت عربية وحاجة بتتحرك من جوه.. قولتلهم أقفوا كدا، قام الطفل ده خرج وقعد في الكابوت.. وبقول لابني إن دي نماذج عظيمة لازم نكون فخورين بيهم.

وأخيرًا، تحدث رمضان عن شعوره حيال البرنامج قبل أن يتم عرضه قائلًا: لو حد سألني إحنا نجحنا ولا لا قبل عرض البرنامج.. لا إحساسي أننا نجحنا لأن الناس فرحت.

بذلك، يظهر رمضان في معكم  بشخصيته الحقيقية بعيدًا عن الأدوار التي قدمها في أعماله الدرامية، مؤكدًا أنه لا يقتصر النجاح على الأعمال الفنية فقط بل على تفاعل الجمهور وتأثيره في حياة النجوم.