محمد رمضان: مسلسل جعفر العمدة لو مكنش نجح مكناش عملنا جزء ثاني

حرص الفنان محمد رمضان، على حضور حفل مهرجان القاهرة للدراما في دورته الثانية هذا العام.

وقال محمد رمضان في تصريحات تليفزيونية: مدينة العلمين سبب وجودي النهاردة، وكل الجوائز اللي خدتها اعتذرت عن استلامها، وعايز أجي اتبسط بالعلمين، ومبسوط بالمدينة أكتر من المهرجان، ومش مصدق اللي في العلمين اتعمل امتى، وفخور بوجود هذه المدينة على أرض مصرية.

محمد رمضان ومهرجان القاهرة للدراما

وتابع محمد رمضان: والله أكيد لو مكنش نجح مكناش فكرنا في عمل جزء ثاني، واللي شجعنا نجاح المشروع،

وإنه لمس الجمهور بشكل كبير، وحقق نجاح على المستوى العربي، وما توفيقي إلا بالله.. احنا بنجهتد ونخلص في الشغل، وبنخاطب عقول الناس، وهما بيصدقونا.

وأضاف رمضان: أنا قولت أكتر من مرة إني بتابع الجمهور زي ما بيتابعني، وبحاول أشوف اللي عاجبهم وإيه اللي مش عاجبهم، والحفاظ عليهم شيء مش سهل، وكل سنة الجمهور بيختلف وفكره بيختلف، وطول الوقت بنتطور معاه.