نهاد أبو القمصان عن مسلسل «حالة خاصة»: ينتهك أخلاق مهنة المحاماة .. فيديو

كشفت المحامية نهاد أبو القمصان عن رأيها في مسلسل «حالة خاصة»، بطولة الفنان طه دسوقي والفنانة غادة عادل، ويعرض حاليًا على إحدى المنصات الإلكترونية.

وأشادت نهاد أبو القمصان بوجود مسلسل يناقش مشكلة التوحد لدى شاب درس القانون ويتمنى أن يعمل بمهنة المحاماة، قائلة: «مسلسل حالة خاصة عايز المكتب ده يتشمع وكل المحاميين اللي فيه يتحولوا للنيابة، جميل أن يكون في مسلسل بيتكلم عن وجود شاب محامي ودارس قانون وعنده حالة خاصة ونفسه يبقى محامي».

وأضافت نهاد أبو القمصان من خلال مقطع فيديو نشرته عبر صفحتها الشخصية على تيك توك، قائلة: «أولاً إن محامين تحت التمرين تجيب صاحبة قضية ونقولها لازم تقولي أسرارك قدام الكل ونقولها هم دول اللي هيحلولك القضية دة ضد مهنة المحاماة تمامًا مش في حاجة اسمها خصوصية ازاي اجيب موكل يتكلم عن أسراره قدام شباب لسة بيتعلموا ومتعينوش في المكتب .. ده انتهاك شديد لقيم وأخلاق مهنة المحاماة».

@nehadabolkomsan مسلسل حالة خاصة واخطاء تفقع 😂 #حكايات_نهاد #نهاد_ابوالقمصان #viralvideo #foryoupage #foryou #viral #f #fyp #حالة_خاصة #مسلسل ♬ original sound – Nehad Abolkomsan

وأوضحت قائلة: «ثانيا خلع ايه اللي بيعملوله تحقيق، 6 بيحققوا في قضية خلع ويصوروا جوز الست ويقولولها هاتي كشف طبي إنك لسة بنت، الكلام ده جبتوه منين؟.. الكلام دة ممكن يكون بيطبق في انجلترا عشان فيها اقتسام للثروة فكل واحد بيثبت أن مش هو سبب الطلاق، إنما الخلع عندنا ما بنقولش فيه أسباب الست بتتنازل عن أي حاجة ومش بنقول أسباب أصلاً.. أما التحقيقات دي في الطلاق للضرر».

وتابعت قائلة: «فالمسلسل فيه مشكلة من ناحية اخلاقيات المهنة ومن ناحية الموضوعات المطروحة فهاتوا محامي يراجع المسلسل .. حرام تدمروا ثقافة المجتمع القانونية دة احنا بنقعد سنين نبني الوعي القانوني .. وكمان موكلة تيجي لمحامية تقولها أنا هربانة من البوليس فتكلم المباحث تسلمها هي فين نقابة المحاميين من الكلام دة؟ .. أنا اتفرجت على 4 حلقات وقلبي مش جايبني، مفيش منظومة أخلاق ولا قواعد مهنية ولا في قانون.. مش كده يا جماعة».

أبطال مسلسل حالة خاصة

مسلسل «حالة خاصة»، بطولة طه دسوقى، غادة عادل، أحمد طارق، هاجر السرّاج، حسن أبو الروس، وئام مجدى، أحمد الأزعر، على السباعى، لينا إيهاب، الطفل آدم وهدان، أدهم النحاس ، تأليف مهاب طارق وإخراج عبد العزيز النجار وإنتاج طارق الجنايني.