ليلى أحمد زاهر تكشف أوجه الشبه بين والدها وخطيبها هشام جمال: مصدر أمان

تحدثت الفنانة ليلى أحمد زاهر عن اهتمام الفنان هشام جمال بها خلال إخراج أول فيديو كليب لها والذي صورته في لبنان.

ليلى أحمد زاهر تتحدث عن هشام جمال

قالت ليلى أحمد زاهر في تصريحات تلفزيونية: ‘لقيت هشام سايب كل حاجة وراه، وعايز يعمل الكليب هدية علشاني، وكان مهتم يطلعني بأحسن صورة’.

وتابعت حديثها، قائلة: ‘بدأت أشوف اهتمامه واضح ناحيتي، وإنه مركز معايا وواخد باله مني جدا، ومحستش بربع مشكلة وهو حل كل حاجة’.

واستكملت ليلى أحمد زاهر حديثها، وقالت: ‘لولاه ولولا بابا الكليب ده مكانش اتعمل، وهشام عمل كل حاجة واتشقلب علشان الكليب يطلع تحفة، فأكيد ده لفت نظري وحرك عندي حاجة’.

ليلى أحمد زاهر وهشام جمال

واختتمت ليلى أحمد زاهر كلامها عن خطيبها هشام جمال وكشفت أوجه الشبه بينه وبين والدها الفنان أحمد زاهر، وقالت: ‘أنا أهم حاجة عندي أكون مطمنة وأعيش حياة بسيطة وهادية، وبابا بالنسبالي هو مصدر الأمان في حياتي، وفجأة لقيت هشام بقى مصدر أمان، ولو الشخص ده مش موجود ببقى مش مرتاحة ولا مطمنة’.