أحمد موسى: وزير التعليم لم يعنف مدير إدارة الباجور.. وكان سعيدا بنسبة حضور الطلاب.. فيديو
قال الإعلامي أحمد موسى، إنه من الواجب سماع الحقيقة الكاملة بشأن وفاة أسامة البسيونى مدير إدارة الباجور، معلقا: نسمع الناس الي هما موجودين .. أصل أي حد ممكن يكتب وفي ناس قاعدين لأي حاجة”.
وأوضح الإعلامي أحمد موسى خلال تقديم برنامجه «على مسئوليتي» المذاع على قناة «صدى البلد»: الراحل أستاذ أسامة كان واقف والوزير سلم عليه، والوزير مشي مع مدير المدرسة، وهو بيسلم عليه متكلمش معاه، أستاذ أسامة كان واقف، ومتكلموش كلمتين .. سلام ومشي.. مفيش حوار حصل”.
وتابع أحمد موسى : الوزير محمد عبداللطيف، كان سعيدا أثناء الزيارة، لأنه وجد نسبة الحضور أكثر من 80%، مع انتظام الدراسة، وسألهم على الحصص والمواد والمناهج التعليمية، ومكنش في أي شيء آخر، وفقا لما قاله الاستاذ محمد بكر مدير الدرسة الثانوية بالباجور.
وأردف أحمد موسى: مفيش تعنييف ولا أي شيء، ومكنش فيه أي حاجة حول ما نسب، ومدير المدرسة الي كان حاضر، أكد أنه لم يحدث شيئا، ولم يحدث أي حوار، ولا يوجد أي تعنييف، ولا تعالالي الوزارة ولا استقيل، وكل الكلام دا محصلش”.
واضاف قائلا: «بلاش نجري ورا أي كلام يتقال أو يتكتب .. محدش له مصلحة يخبي أي معلومة»
وقدم الإعلامي أحمد موسى، التعازي لأسرة الراحل الأستاذ أسامة البسيونى مدير إدارة الباجور.
